لصدق أشوف إنّه .

ترى ماني .... في حاجتها .... تبيع وتشتري فيني
صحيح إني ....... فقدت اللي ........ فقدته بس أنا رجال !!

إذا كانت .... تبي ذلي .... وتجريحي .. وتنهيني
حشا ماموت ....... من طعنة خناجر .... فكرها المحتال !!

أنا جيت أشتري .. منها الرضى / عيّت تراضيني
تجي هدنه ..... تجي ريح ..... وتجي عقل / وتجيني هبال !!

أنا ليه أفقد اعصابي ........ وأضيّع عقلي وديني
مدام اللي ...... حصل حاصل .... أجل ليه أتبع الجهال !!

ياراشد .... رح وبلغها .... شطبت آخر عناويني
تعيش بكيفها ياخي ........ ولكن ليه ..... اعيش إذلال !!

تبي عمري ... لها لعبه ... تقربني ... وتقصيني
خطأ .. وأكبر خطأ ... كان أفهمت ../ إني ضعيف الحال !!

أنا مالعب / على الحبلين / ولا استخدم سكاكيني
ولكن لو ضربت اضرب .... على مقتل ... أمل واغتال !!

إذا كانت .. تبي تلعب ... على ذقني ... وتشقيني
ياراشد ........ قلها العشره .... وفا ماهيب لعب عيال !!

خذت مني ... تعب عمري .. شقاي وزهرة سنيني
تظن إني .......... بطاوعها ...... وأعيش ألحبها تمثال !!

ياشيخ ..... إن كانها تفهم ...... تروح ولاتراعيني
أنا ماني ........... طفل تايه ..... تسليني مع الاطفال !!

أنا شلت الصبر ... لين الصبر .. مل الصبر فيني
قسم ياخي ..... على هذي ... أنا فعلا ً.. طويل البال !!

رماني .. سهمها الطايش ... يبي يعبث في تكويني
تمرّد ..... حطم أمالي .... رجف حلمي ...مثل زلزال !!

خلاص ..... اشتنتظر مني تروح ... ولا تراعيني
وإذا ..... جاها الخبر عني ....... تجاهلني مع الغربال !!

أبرضى ... في قضا الخالق .. ودعواتي تعزيني
وبْقرا ....... سورة التوبه ... مع الإسرى مع الأنفال

وهي تقرأ ... سخافتها ..... على باقي دواويني
تبي تخسر ضميرٍ حي ... وتبي تبكي ..... على رجال